బుల్లెట్ బండి పాట ఎందుకు వైరల్ అయింది?

“బులెట్ బండెక్కి వచ్చెత్త పా” సక్సెస్ పై తెలుపు సంపాదకీయ మీట్.

కందుకూరి రమేష్ బాబు 

‘నీ బుల్లెట్ బండెక్కి వచ్చేత్తపా…’ అన్న పాట ఇప్పటికీ మనసును వదిలడం లేదూ అంటే అందులోని రహస్యం ఏమిటా అని విశ్లేషించుకుంటే కొన్ని విషయాలు పంచుకోవాలనిపిస్తోంది. అందులో ఒకటి, ఇంతగా ఆ పాట వైరల్ కావడానికి ఆ పాట పాడిన అమ్మాయి కన్నా ఆ పాటకు తన పెళ్లి బరాత్ లో నృత్యం చేసిన సాయిశ్రీయ అన్న ఆ అమ్మాయే కారణం అని అందరికీ తెలుసు. ఐతే, ఆమె తన భర్తను సర్ప్రైజ్ చేయడానికి గాను ఆ పాటను ఎంచుకోవడంలో, ఆ అమ్మాయి మనసారా ఆ పాటను అన్వయించుకొని పాడటంలోనే అసలు విజయంఉన్నది. ఆమె ఈ తన భర్తకు ఒక అపురూప కానుక ఇవ్వలనుకున్న హృదయంలో ఆ రహస్యం ఉన్నది. ఆమే తలంపు సఫలమైంది. అందుకే ఆ పాట ఆమెకోసమే రాసినట్లుగా అద్భుతంగా ప్రజల్లోకి వెళ్ళింది. తిరుగులేని విధంగా హిట్టయింది.

నిజానికి ఆ పాట అదివరకే జనంలోకి వెళ్ళినా ఈ అమ్మాయి ద్వారా అది విస్తృతంగా వెళ్ళడానికి కారణం సాయిశ్రీయ తన మనసులోని అందమైన భావాన్ని తన జీవితాన్ని పంచుకునే భర్తకు చెప్పడానికి పూనుకోవడంలో ఉన్నది. అందుకు గాను ఆ పాటలో ఉన్న అద్భుతమైన సాహిత్యం ఉపకరిస్తుందని ఆమె నమ్మడంలో ఉన్నది. ఆ నమ్మకానికి పతాక నిదర్శనం ఆ క్షణాన ఆమె హాయిగా నృత్యం చేయడంలో కనిపిస్తుంది. అలాగే ఆ పాటకు మనలోపలి ఉల్లాసం అదృశ్యంగా గంతులు వేయడంలోనూ ఇమిడి ఉన్నది.

ఆ పాటకు ఆమె హావభావాలతో కూడిన నాట్యం మరో ఎత్తు. ఆ దశలో తన భర్త ఆమెని చేష్టలుడిగి ఆమెను చూడటం చూడటం, మధ్యలో ఒకట్రెండు స్టెప్పులు వేసినా మళ్ళీ ఆగిపోయి ఆమెనే చూస్తూ ఉండటం ఒక అపురూపమైన అనుభవం.

మరో ముఖ్యమైన అంశం. ఆ పాటకు ఆమె హావభావాలతో కూడిన నాట్యం మరో ఎత్తు. ఆ దశలో తన భర్త ఆమెని చేష్టలుడిగి ఆమెను చూడటం చూడటం, మధ్యలో ఒకట్రెండు స్టెప్పులు వేసినా మళ్ళీ ఆగిపోయి ఆమెనే చూస్తూ ఉండటం ఒక అపురూపమైన అనుభవం. ఒక రకంగా వారిద్దరి ఆ వీడియో ఒకనాటి నాగార్జున, అమలల డ్యూయెట్ ని లీలగా గుర్తు చేస్తూ ఒకరి ఉత్సాహానికి మరొకరి ఆరాధన తోడవగా అది ఎంతో హృద్యంగా, హుందాగా మన మనస్సులో చెరగని ముద్ర వేయడానికి దారి తీయడం విశేషం.

నిజానికి ఆమె ఒక్కతే నృత్యం చేసినప్పటికీ ఆ ఆటా పాటా వారిద్దరి రెండు హృదయాల నర్తనంలా శోభించింది. ఒక్క మాటలో ఈ పాట దాంపత్య జీవన రాగానికి భాసటగా, వారి మనసులు చేసుకున్న భాసగా వ్యక్తమై వారిని ఒక్కపరి నిజ జీవిత నాయకీనాయకులను చేసింది.

నిజానికి ఆ పాట అమె కోసమే రాసినంత బాగా నప్పడం మరో విశేషం.

పాటలో ఉన్న సాహిత్యం ఆమె జీవితంలో చూపింది

నిజానికి ఆ పాట, ఆమె డ్యాన్స్ వైరల్ కావడానికి మరో ముఖ్య కారణం, పాట రాసిన సందర్భం, సన్నివేశం, అందలి వాతావరణం ఆ పాటను ఆల్భంలో వీడియోగా షూట్ చేసినప్పుడు దృశ్యీకరణలోకి రాలేదు, తేలేదు. చిత్రంగా సాయిశ్రీయ దాన్ని భర్తీ చేసి ఆ పాటను మలుపు తిప్పింది.

ఆ పాట ఆటను ఆ అమ్మాయి నిజ జీవితపు సెలేబ్రషన్ లోకి అలవోకగా దించడం అన్నది ఒక శోభ. జీవన మధురిమ. ఇన్ని కారణాల గలగలసి చెబుతున్నది ఏమిటీ అంటే సర్వజనీననమైన ఆడపిల్ల కలలు, కళలు పాటలో అద్భుతంగా వ్యక్తమైతాయని.

ఈ అమ్మాయి సహజంగానే పెళ్ళికూతురు కావడం, తనలో అవ్యక్తంగా ఉన్న భావాలను వ్యక్తం చేయడానికి ఆ పాటను సరిగ్గా దోహదపడుతుందని నమ్మడం, తను మనసెరిగి ఇష్టంగా ఆమె ఆ పాటను ఎంచుకోవడం, దానికి తోడు, ఆ పాట తాను పుట్టిపెరిగిన ప్రాంతపు భాష యాసలతో కూడి ఉండటం, ఇవన్నీ కూడా చాయిస్ తెలిసిన ఆమె వ్యక్తిత్వాన్ని చాటుతున్నది. పాటకు మనం పరవశించడంలో ముచ్చట గిలిపే ఆ వ్యక్తిత్వం అంతర్గతంగా దాగి ఉండటం మరో విశేషం.

మొత్తంగా పాటలోని సాహిత్యం ఆమెకు హృదయానికి దగ్గరగా ఉండటం, పెళ్లి బరాత్ లో పాడేందుకు అనువుగా రాసిన ఆ పాటను సరిగ్గా, టైమ్లీగా ఆమె ప్లే చేయడం, యుగల గీతంగా దాన్ని మార్చుకోవడం అంతా  కూడా ఒక కవితా న్యాయం. ఇవన్నీ కూడి ఆ పాట ఆటను ఆ అమ్మాయి నిజ జీవితపు సెలేబ్రషన్ లోకి అలవోకగా దించడం అన్నది ఒక శోభ. జీవన మధురిమ. ఇన్ని కారణాల గలగలసి చెబుతున్నది ఏమిటీ అంటే సర్వజనీననమైన ఆడపిల్ల కలలు, కళలు పాటలో అద్భుతంగా వ్యక్తమైతాయని. అదే  నిజమైన జానపద చిత్తం అని. ఎంత ఆధునికంగా మనం కనపడ్డా జీవితం పంచుకుంటున్నప్పుడు కలిగే ఆనందం అర్ణవం కావడం. దాన్ని సహజంగా అవ్యక్తం చేసుకోవాలనుకోవడం, ఇదంతా ఈ పాట ద్వారా నెరవేరింది. వీక్షకులు ఈ పాటను వైరల్ చేయడంలో లినవయోభేదాలు మరిచి లైక్ చేయడం ఎందుకూ అంటే అది అందరి నృత్య్యం. వైయుక్తికంగా కనిపించే సామూహిక సంబురం. ఇందుకు మూర్తిమత్వం ఇచ్చిన ఆ చెల్లిని అభినందించాలి. సాయిశ్రీయకు నిండు దీవెనలు.

గీత రచయిత లక్ష్మణ్ కు నిజమైన కానుక

నిజానికి సాయిశ్రీయ ఆ పాట రాసిన కవి లక్షణ్ కన్నాసెలబ్రిటీ అయింది. ఆ పాటను ఒరిజినల్ గా పాడిన గాయానికి ఇది ఆత్మగా మారింది. సంగీత దర్శకుడు బాజీకి సిసలైన సంగీతం ఏమిటో తెలియ చెప్పింది.

ఇంత మంచి పాట రాసిన కవికి కూడా అల్భంలో రాయడానికన్నా ఇదే మంచి సంతోషాన్ని పంచి ఉంటుంది. తనకు “ఇదే తగిన కానుక” అనుకోవాలి.

అందమైన ఒక మగువ సహచరుడిని తన మనసెరిగేలా చేయడానికి, అతడికి ప్రేమగా తన హృదయంలో గూడుకట్టుకున్న భావాలను చెప్పడానికి, అదీ ఆడుతూ పాడుతూ చెప్పుకునే విధంగా ఆ పాట ఉండటానికి కవి లక్షణ్ అలా ఆ పాటను కట్టడానికి, ఆ కట్టిన పాటను గాయని మోహన కన్నా ఈమె నిజ జీవితంలోకి అలవోకగా అన్వయించుకోవడానికి, అదే సమయంలో ఆమె హుందాగా నృత్యం చేయడం, ఇదంతా ఎంత సునాయాసంగా జరిగి పోయిందీ అంటే, ఆమె అందుకోసం పడిన కష్టం, చేసిన రిహార్సల్ నిజానికి పాట రచయిత పడ్డ కష్టంతోనూ పోల్చవచ్చు. ఆమె ఎంతో అలోచించి ఆ పని చేసి ఉంటుంది. కానీ ఒక నిజమైన  సంబురంలో భాగంగా ఆమె చేయడంతో అది ఎంతో ఎత్తుకు లేచింది. ఎంతో విస్తృతంగా వెళ్ళింది. లక్షలాది మంది ఆమె వీడియోను లైక్ చేయడం, షేర్ చేయడం, వైరల్ చేయడంతో బహుశా ఇంత మంచి పాట రాసిన కవికి కూడా అల్భంలో రాయడానికన్నా ఇదే మంచి సంతోషాన్ని పంచి ఉంటుంది. తనకు “ఇదే తగిన కానుక” అనుకోవాలి.

ఆదేశ్ రవి దుఖం తర్వాత మళ్ళీ ఇదే స్వాంతన

మరో మాట. ఈ మహమ్మారి కాలంలో ఆదేశ్ రవి పిల్లా జెల్లా… ముసలితల్లి వీడియో పాట ఒక విషాదం అయితే, అది మనసును ఎట్లా తీవ్ర దుఖానికి లోను చేసిందో, ఎంతకాలం మనల్ని కట్టి పడేసినదో మనకు తెలిసిందే. అయితే, ఆ తర్వత పెద్ద ఖాళీ ఉన్నది. శూన్యమూ ఉన్నది. ఇంతంటి పెను విషాదపు ముఖాన్ని దగ్గరకు తీసుకుని చెంపపై కన్నీళ్లు తుడిచి మనసారా నవ్వించే పని జరగలేదు. ఒక సంబుర స్థాయిలో ఈ పాట ఒక్కటే మళ్ళీ మనసును తట్టింది. చాలా కాలానికి హృదయాన్ని రంజింప చేసింది. ఆపాదమస్తకం కదిలించింది.

ఆదేశ్ రవి పాట ఒక విషాదం అయితే, ఆ తర్వత పెద్ద ఖాళీ ఉన్నది. శూన్యమూ ఉన్నది. ఒక సంబుర స్థాయిలో ఈ పాట ఒక్కటే మళ్ళీ మనసును తట్టింది.

వందలాది మందిని కోల్పోయిన నేటి విషాద తరుణంలో అడుగున పడ్డ నిర్మలమైన మన మనసును తట్టి లేపి ఈ పాట సరికొత్త జీవితోత్సాహాన్ని రేకెత్తించింది. అందుకు కూడా సాయిశ్రీయకు కృతజ్ఞతలు చెప్పాలి.

ఇది యాసా భాషల గొప్పతనం ఉల్లో…

నిజానికి పాటలో మూడు అంశాలు ఉన్నాయి. ఒకటి “వచ్చేత్తపా”…అన్న రీతి. అది వాడుకలో ఉన్న తెలంగాణా వినిర్మల సొగసు. అందులో ఒక క్యాజువల్ థింగ్ ఉంది. ఒక ఫోర్స్ కూడా. అది ఈ జానపద గీతమైన బుల్లెట్ బండిని ఒక్క సారి గేర్ మార్చి ముందుకు వెళ్ళేలా చేసింది ఇదే.

“వచ్చేత్తపా”…అన్న రీతి. అలాగే “ఉల్లో” అంటూ చరణాల్లో వచ్చే ప్రయోగం. వీటికితోడూ డుగ్గు డుగ్గు మంటూ ఉన్నప్పుడు చేతులతో స్టీరింగ్ తిప్పేటప్పటి అభినయం. పాటను ఉత్తేజంగా మలిచిన ప్రయోగాలు ఇవి.

అలాగే “ఉల్లో” అంటూ చరణాల్లో వచ్చే ప్రయోగం. ఇది చాలా మంది స్త్రీల మాటల్లో వినిపించే సహజమైన వ్యక్తీకరణ. ప్రయోగం కూడా కాదు, వ్యక్తీకరణ. ఇది మల్లా మల్లా చరణాల్లో వాడటం వల్ల అది మన హృదయాన్ని సాపు చేసింది. ఇవి రెండూ ఈ పాటలో దాగిన సాహిత్యంలో చెప్పుకోవలసిన ప్రయోగాలే. దానికి తోడు గ్రామీణ జీవితంలో హీరో వర్షిప్ కు ఉదాహరణగా నిలిచే బుల్లెట్ బండి. దాని డుగ్గు డుగ్గు ధ్వని, లయ, బీట్…ఏక కాలంలో ఈ పాటను లలితంగానూ…అలాగే శక్తివంతంగానూ చేసేసింది.

వీటికితోడూ డుగ్గు డుగ్గు మంటూ ఉన్నప్పుడు చేతులతో స్టీరింగ్ తిప్పేటప్పటి అభినయం. ఇది అ పాటను, ఆ అమ్మాయిని సదా కళ్ళ ముందు నిలిపేలా చేసింది.

అశ్లీలం ఎంతమాత్రం లేకుండా పూర్తి సౌశీల్యంతో కూడిన ఈ పాటలో పూర్తి తెలంగాణా తనం బంతులు, చేమంతుల మాదిరి మొత్తం పాటను ఆహ్లాదం చేసి ఒక బతుకమ్మ పండుగను, ఒక దసరా పండుగను ఫీల్ అయ్యేలా చేయడం చూస్తాం. ఇవన్నీ కలిసి ఈ పాటను అందరం ఓన్ చేసుకునేలా చేశాయనే చెప్పాలి.

ఆ అమ్మాయి ముందు అందరూ ప్రేక్షకులే…

చిత్రమేమిటంటే, ఓనర్ షిప్. ఈ పాట రచయిత, గాయని, సంగీత దర్శకులు – అందరూ సాయిశ్రీయ ముందు ప్రేక్షక పాత్ర వహించే స్థాయిలో ఈ పాట ఆ అమ్మాయి ఓన్ చేసుకొని వీక్షకుల హృదయాలను హుషారెత్తించిందనే చెప్పాలి. పాటను సరైన సన్నివేశంలోకి తీసుకెళ్ళిన పాత్ర, సాహిత్యం, జీవన సంగీతం ఆమెనే. సిసలైన దర్శకురాలుగా కూడా తననే పెర్కొనాలీ అంటే అది అతిశయోక్తి కాదు. అందుకు సాయిశ్రీయకు అభినందనలు. దీవెనలు. ఆ చెల్లికి తెలుపు అభివందనం. పాటను ప్రజల్లోకి తెచ్చిన యావత్ టీంకు కూడా ఈ సంపాదకీయం జోహార్ పలుకు.

వైరల్ ఐన ఆ పాట ఈ లింక్ ను క్లిక్ చేసి మల్లోసారి వినండి. వింటూ కింద పూర్తి పాట ఉంది. చదువుతూ వినండి.

ఇది ఆ పాట

ఏ పట్టు చిరనే కట్టుకున్న
కట్టుకున్నుల్లో కట్టుకున్నా

టిక్కి బొట్టే పెట్టుకున్న
పెట్టుకున్నుల్లో పెట్టుకున్న

నడుముకు వడ్డలం చుట్టుకున్న
చుట్టుకున్నుల్లో చుట్టుకున్న

దిష్టి చుక్కనే దిద్దుకున్న
దిద్దుకున్నుల్లో దిడ్డుకున్న

పెళ్ళికూతురు ముస్తాబురో. . .
నువ్వు ఎడకనస్తావురో. . .

చెయ్యి నీ చేతికి యీస్తనురో
అడుగు నీ అడుగులో ఎస్తనురో

నేను మెచ్చి నన్నే మెచ్చే టోడ
ఇట్టే వస్తా రా నివెంట

నీ బుల్లెట్టు బండెక్కి వచ్చేస్తపా
డుగు డగు డగు డుగు అని

అందాల దునియానే చూపిత్త పా
చిక్కు చిక్కు చిక్కు చిక్కుబుక్కు అని || ఏ పట్టు చిరనే ||

చెరువు కట్టపోంటి చేమంతి వనం
బంతివనం చేమంతివనం

చేమంతులు తెంపి దండా అల్లుకున్న
అల్లుకునోల్లో అల్లుకున్న

మా ఊరు వనంచూడు మల్లేవనం
మల్లేవనముల్లో మాల్లేవనం

మా మల్లేలు తెంపి ఒళ్ళో
నింపుకున్న నింపుకున్నుల్లో నింపుకున్న

నువ్వు నన్నెలుతున్నవురో
దండ మెల్లోన వేస్తనురో

నేను నీ యేలు పట్టుకుని
మల్లే జెల్లోనా పెడతనురో

మంచి మర్యాదలు తెలిసిన దాన్ని
మట్టి మనుషులోన పెరిగినా దాన్ని || ఏ పట్టు చిరనే ||

నే అవ్వ సాటు ఆడపిల్లనయ్యో
పిల్లనాయ్యో ఆడపిల్లనయ్యో

మా నాన్న గుండెల్లోనా ప్రేమనాయ్యో
ప్రేమనాయ్యో నేను ప్రేమనయ్యో

ఏడు గడపల్లోన ఒక్కదానిరయ్యో
దాని రయ్యో ఒక్కదానిరయ్యో

మా అన్నదమ్ములకు ప్రాణమయ్యో
నేను ప్రణమయ్యో పండు వెన్నెల్లో

ఎత్తుకుని వెన్నేముద్దలు పెట్టుకొని
ఎన్ని మరాములు చేస్తూన్న నన్ను

గరాలు చేసుకొని చేతుల్లో పెంచారు
పువ్వల్లేనన్ను నీ చేతికి ఇస్తారా నన్నేరా నేనూ || ఏ పట్టు చిరనే ||

నా కుడికాలు నీ ఇంట్లో పెట్టినంకా
పెట్టినంకుల్లో పెట్టినంకా

సిరి సంపద సంబురం కల్గునింకా
కల్గునుంకుల్లో కల్గునుంకా
నిన్ను కన్నుల్లే కన్నులా

అల్లుకుంటా అల్లుకుంటుల్లో ఆల్లుకుంటా
నీ కష్టల్లో బాగాలు పంచుకుంటుల్లో

పంచుకుంటా చుక్క పొడ్డుకే నిద్ర
లేసి చుక్కల ముగ్గులు అకిట్లా యేసి

చుక్కలే నిన్నునన్ను చూసి మురిసిపోయేలా
నితో కలిసి నా ఏడుజన్మలు నికిచ్చుకుంటా
నితోడులో నన్ను నే మెచ్చుకుంటా ||ఏ పట్టు చిరనే ||