ఆదివారం శ్రీమతి అనురాగం – డా.మీగడ రామలింగస్వామి సీస పద్యం

మురిపించు మరిపించు అనురాగము పంచు
లాలించు పాలించు భార్య గురించి
లక్ష్మిగా శోభిల్లు లలన గూర్చి
డా.మీగడ రామలింగస్వామి గారు రాసిన
చక్కటి సీస పద్యం ఇది. గానం శ్రీ కోట పురుషోత్తం

కోట పురుషోత్తం గారి పరిచయం

సాహిత్య ప్రక్రియలో విశిష్టమైన పద్య ప్రశస్తిని గుర్తించిన కోట పురుషోత్తం తిరుపతి నివాసి. వారు రాగయుక్తంగా ఆయా పద్యాలను ఆలపిస్తూ విద్యార్థుల మనసులో నాటుకునేలా చేయడంలో విశేష అనుభవం గడించారు. సులభంగా తాత్పర్యం బోధపడేలా ఉండే అనేక పద్యాలను వారు ఎంచుకుని, కొందరితో రాయించి మరీ వాటిని తానొక నిధిగా సమకూర్చుకున్నారు. నిజానికి వారు పద్యం కోసమే కదలడం జీవన శైలిగా చేసుకోవడం విశేషం. పాఠశాలలు, కళాశాలల్లో చదువుకునే కొన్ని వేల మంది బాలబాలికలు, యువతీ యువకుల్లో పద్యం పట్ల ఆసక్తిని రగిల్చిన వారు ‘తెలుపు’ కోసం ఈ శీర్షిక నిర్వహిస్తున్నారు.