దేవుని కడప, పెదచెరుకూరు శాసనాలు

 

నేడు జూన్ 14 వ తారీఖు

క్రీ.శ 1551 జూన్ 14 సదాశివరాయల నాటి దేవుని కడప శాసనంలో మహామండలేశ్వర నందేల అవుభళ దేవమహారాజు సూరప అవుభళేశ్వరంగారికి తిరుమల త్రోవలో కడప పొలిమేరను కోతులకుంట లోయలో చలివేంద్రము పెట్టించేందుకు, చలివేంద్రానికి నీళ్ళు తెచ్చే చవుడబోయని బొప్పినకు, మద్దల తిప్పనకు సర్వమాన్యంగా భూములనిచ్చినట్లుగా చెప్పబడ్డది. [కడప జిల్లా శాసనాలు II నెం 221].

అట్లే క్రీ.శ జూన్ 14 నాటి పెదచెరుకూరు (గుంటూరుజిల్లా) శాసనంలో సదాశివరాయల పాలనలో మహామండలేశ్వర సిద్దిరాజు అవుబళరాజు పౌత్రుడు, తిమ్మరాజు కుమారుడైన వెంకటరాజయ్య దేవమహారాజుగారు చెరుకూరుగ్రామమందు అంగడి వీరభద్రునికి, విశ్వనాథునికి దానములిచ్చినట్లు చెప్పబడ్డది. శాసనం భూమిలో కూరుకుపోయినందున యితర వివరాలు తెలియ రావడంలేదు.[ద.భా.దే.శా.VI నెం 203].

శీర్షిక నిర్వాహకుల పరిచయం