బొల్లవరం, గురిజవోలు శాసనాలు

నేడు ఆగస్ట్ 23 వ తేదీ

క్రీ.శ 1543 ఆగస్ట్ 23 నాటి బొల్లవరం (కడప జిల్లా) శాసనంలో సదాశివరాయల పాలనలో మహామండలేశ్వర పాప తిమ్మయదేవ మహారాజులు శ్రీ గోపీనాథపెరుమాళ్ళకు రేపటి నైవేద్య కైకర్యాలకి బొల్లవరం గ్రామ పేంట సుంకమును యిచ్చినట్లుగా చెప్పబడ్డది.[కడప జిల్లా శాసనాలు II నెం.275].

అట్లే క్రీ.శ 1546 ఆగస్ట్ 23 నాటి గురిజవోలు (గుంటూరు జిల్లా) శాసనంలో సదాశివరాయలు కొండవీటిసీమలోని గొరింజవోలు గ్రామాన్ని తిరువేంగళనాథుని సన్నిధిని తాళ్ళపాక తిరువెంగళనాథయ్యకు సర్వమాన్య అగ్రహారంగా యిచ్చినట్లుగా చెప్పబడ్డది. [ద.భా.దే.శా. XVI నెం.154].

శీర్షిక నిర్వాహకుల పరిచయం

డా. దామరాజు సూర్యకుమార్ విశ్రాంత చరిత్రోపన్యాసకులు. కీ.శే. బి.ఎన్.శాస్త్రి గారి శిష్యులు. శాసన పరిశోధన ప్రవృత్తి. శ్రీ కృష్ణదేవరాయల తెలుగు శాసనాలు, ఆచంద్రార్కం (తెలంగాణ కొత్త శాసనాలు కొన్ని), తెలంగాణా రెడ్డి రాజుల శాసనాలు – చరిత్ర, ఇప్పటిదాకా వీరు వెలువరించిన మూడు గ్రంధాలు. ప్రస్తుతం భారత ప్రభుత్వం ప్రాజెక్టు చేస్తున్నారు. నివాసం నకిరేకల్, నల్లగొండ జిల్లా.