గుడిమెట్ల, సింగరాయకొండ శాసనాలు

నేడు ఆగస్ట్ 11 వ తేదీ

క్రీ.శ 1291 ఆగస్ట్ 11 నాటి గుడిమెట్ల (కృష్ణాజిల్లా) శాసనంలో కాకతీయ రుద్రమదేవి పాలనలో (?) సకల సేనాధిపతి దాడి సోమయసాహిణి, వారి తండ్రి పెద్దయసాహిణింగారు విశ్వనాథ దేవరకు మధిరచెరువు, మడపల్లిచెరువు, కొండకంచిచెరువుల వెనక భూములనిచ్చినట్లుగా చెప్పబడ్డది. [ద.భా.దే.శా X నెం 468].

అట్లే క్రీ.శ 1527 ఆగస్ట్ 11నాటి సింగరాయకొండ (ప్రకాశంజిల్లా) శాసనంలో శ్రీకృష్ణదేవరాయల పాలనలో రాయసం అయ్యపరుసయ్య సోమా(రా)జుపల్లి పర్ణశాల నరసింహస్వామి అంగరంగ వైభవాలకు జిల్లెలమూడి గ్రామాన్ని సర్వమాన్యంగా యిచ్చినట్లుగా చెప్పబడ్డది. [నెల్లూరు జిల్లా శాసనాలు I Ka 77].

శీర్షిక నిర్వాహకుల పరిచయం

డా. దామరాజు సూర్యకుమార్ విశ్రాంత చరిత్రోపన్యాసకులు. కీ.శే. బి.ఎన్.శాస్త్రి గారి శిష్యులు. శాసన పరిశోధన ప్రవృత్తి. శ్రీ కృష్ణదేవరాయల తెలుగు శాసనాలు, ఆచంద్రార్కం (తెలంగాణ కొత్త శాసనాలు కొన్ని), తెలంగాణా రెడ్డి రాజుల శాసనాలు – చరిత్ర, ఇప్పటిదాకా వీరు వెలువరించిన మూడు గ్రంధాలు. ప్రస్తుతం భారత ప్రభుత్వం ప్రాజెక్టు చేస్తున్నారు. నివాసం నకిరేకల్, నల్లగొండ జిల్లా.