పద్మాలయా స్టూడియోస్ ప్రైవేట్ లిమిటెడ్ పతాకంపై ప్రముఖ నిర్మాత ఘట్టమనేని ఆది శేషగిరిరావు ప్రతిష్టాత్మకంగా నిర్మించిన మోసగాళ్లకు మోసగాడు చిత్రం విడుదలై నేటికి సరిగ్గా 50 సంవత్సరాలు.
27 ఆగస్ట్ 1971న విడుదలైన ఈ సినిమా తెలుగు సినిమా స్టామినా అంతర్జాతీయ స్థాయిలో మోత మోగించింది.
పాన్ ఇండియా సినిమా అని చెప్పుకుంటున్న ఈ రోజుల్లో గ్రాఫిక్స్ లేకుండా సినిమా తీయలేరు. కానీ ఆ రోజుల్లోనే సూపర్ స్టార్ కృష్ణ పాన్ ఇండియా సినిమా తీసి చూపించారు.
మోసగాళ్లకు మోసగాడు 56 దేశాలలో ప్రదర్శింపబడి ప్రకంపనలు సృష్టించింది. తమిళ్ లో మోసక్కారన్ కు మోసక్కారన్, ఇంగ్లీష్ లో ట్రెజర్ హంట్ పెరు తో డబ్బింగ్ చేయబడినది. రిపీట్ రన్ లో కూడా హౌస్ ఫుల్ కలెక్షన్స్ తో ప్రదర్శింప బడేది.
వి ఎస్ ఆర్ స్వామి ఫోటోగ్రఫీ, మాధవరావు గారి మేకప్ పనితనం, ఆదినారాయణ రావు గారు సంగీతం, సూపర్ హిట్ పాటలు నేపధ్య సంగీతం -ప్రేక్షకులను అభిమానులకు అప్పట్లో ఒకి సరికొత్త అనుభూతిని అందించాయి.
హీరోయిన్ విజయనిర్మలతో కృష్ణ ‘కొరినది నెరవేరింది’ పాట చిత్రీకరణ కోసం డార్జిలింగ్ వెళ్లి చిత్రికరించడం ఆ రోజుల్లో పెద్ద విశేషం.
హీరోయిన్ విజయనిర్మలతో కృష్ణ ‘కొరినది నెరవేరింది’ పాట చిత్రీకరణ కోసం డార్జిలింగ్ వెళ్లి చిత్రికరించడం ఆ రోజుల్లో పెద్ద విశేషం. పాట వినేందుకు ఈ లింక్ క్లిక్క్ చేయండి.
కృష్ణ సాహసోపేత నిర్ణయాలకు వారి సోదరుల సహకారంతో అనేక విజయవంతమైన చిత్రాలు రూపొందించిన విషయం తెలిసిందే.
అమితాబచ్చన్ రజనీకాంత్ లాంటి అగ్రనటులతో సినిమాలు నిర్మించిన ఏకైక సంస్థ పద్మాలయాగా పేరున్నది. వరుసగా పాతాళ బైరవి. మవ్వాలి, హిమ్మత్ వాలా వంటి మూడు సిల్వర్ జూబ్లీలు పూర్తి చేసుకున్న సినిమాలు నిర్మిచిన ఏకైక దక్షిణ భారత నిర్మాణ సంస్థ పద్మాలయా. దర్శకులు కె రాఘవేంద్రరావు, ఈ వి వి సత్యనారాయణ హీరోయిన్స్ శ్రీదేవి, సౌందర్య లను హిందీ చిత్ర సీమకు పరిచయం చేసిన సంస్థ కూడా ఇది.
50 వసంతాలు పూర్తి అయిన సందర్భంగా కృష్ణ, వారి సోదరులు అది శేషగిరిరావు మాట్లాడుతూ పద్మాలయా సంస్థ మళ్ళీ సినిమా నిర్మాణం చేసే ప్రణాళికలు సిద్ధం చేస్తున్నట్లు చెప్పారు.